انا حبيت احكى لكم قصه يمكن تكون سبب يخلى بنات كتييير تاخد قرار ( النقاب ، او الملحفة / الاسدال )
بدون أى تأجيل أو تردد..وتكون على ثقة ويقين فى الله وفى الخير اللى عنده
انا كنت مثل بنات كتييييير ..كنت لبس البنطلونات والشعر السايب والميكب والباضيهات والخروج مع صحباتى وشراء كل ما يساسر الموضة دايماااااااا... وماقولكوش بقى ( الحمد لله الذى هدانا ) وماكنش حد متخيل انى حتى ممكن اتحجب مش انتقب كمان
وسبحان الله لما قذف الله فى قلبى حب الستر ....وده طبعا فطرة الله التى فطر الناس عليها ( حب الستر )
ولقيت نفسى بقول ( وآخرتها ايه؟؟؟؟؟؟؟؟؟ ) بدور على السعادة...كنت بحسب انها فى اللبس والموضة...برضو بتكون سعادة لوقت معين وبتنتهى...اروح ابحث عن السعادة فى الخروج مع صحباتى..برضو سعادة مؤقتة وبتنتهى..بحثت عنها فى حاجات كتير كلها متع دنيوية...لكن برضو مش لقياها بجد...
ولقيت نفسى بسأل ( طب وبعدين ؟؟ ) هفضل كده لحد امتى؟؟؟ عايزة يكون عندى هدف..ومبدأ عايشة عليه..مش حياة زى اى حياة وزى ما الناس والبنات كلها عايشة..كنت حسة ان ربنا خالقنا لهدف تانى غير ده خاااالص...بس مش بشكلى ولبسى وحياتى دى طبعااااا...ولقيت نفسى زى اللى عريانة وعايزة البس ( مع انى لابسة )..ولقيت نفسى حابة اوى الملحفة والاسدال..خصوصا انها بدأت تنتشر فى الوقت ده بكثرة فى مصر ولقيت ناس كتير لبساها وعسولات فيها جداااا وماشاء الله شيك ومحترمين وفى نفس الوقت منتهى الستر والحشمة
وسبحان الله نزلت مرة واحدة العزيز بالله ماشاء الله هناك دار ابن مسعود فيها ملاحف واسدالات ، وابو الفدا برضو اللى فى العتبة واشتريت فورا ملحفة ولبستها ولا خدت رأى حد ولا حاجة..عشان عارفة ان اللى حواليا ح يهبطنى ويقلل من عزيمتى..فتوكلت على الله وكنت مبسوطة اوى بالخطوة دى لانها هتقربنى من ربنا
وحسيت لأول مرة انى باخد قرار صح جداااااا ومش محتاجة فيه رأى حد خااااالص ( على غير العادة لانى م النوع المتردد جداااا وكل حاجة احب آخد رأى كذا حد فيها )
لكن قلت المرة دى كفاية انى مقتنعة جدا وعايزة ده جداااا وطالما ده صح وخير ليا وفيه رضا ربنا ده اهم حاجة..وحسيت ان ربنا هيكون مبسوط منى اووووى وهيحبنى اووووى
وتوكلت على الله وما أجلتش الخطوة دى خاااااالص
وفاجئت اهلى وكل صحابى بالخطوة دى ( لبس الملحفة والاسدال ) وبإن لبسى كله طلعته لله ( لجمعيات خيرية اسلامية ) بس برضو دى غلطة..المفروض اللبس ده كنت اخليه لزواجى مثلا او لما يتكتب كتابى كان هينفعنى اوووى
بس برضو اهو طلعته لله واحتسبت الاجر عند الله..وماشاء الله كانت هدوم غالية..بس الملحفة عندى ورضا ربنا والستر والحشمة كانت اغلى من كلللللللللللللل ده
وسبحان الله كنت مبسوطة فيها اووووى وحسيت انى شكلى عسووول والله اوى والكل بقى يقول لى جميلة فيكى ماشاء الله
ولقيت ناس كتير من جيرانى واختى كمان عملوا مثلى ( ادينى خدت ثواب من سن فى الاسلام سنة حسنة )
وقعدت حوالى سنتين ..وخلال السنتين دول كنت بسمع خطب ودروس على الكمبيوتر لمشايخ مثل حازم شومان تحفففة ماشاء الله
وفيه درس تحفففة له على النت اسمه ( مستنية ايه ) والله سمعته من هنا..وخدت قرار النقاب فورا..لانى قعدت فترة بعد الملحفة مترددة فى موضوع النقاب ( وكل ده من غير تأثير من اى حد خااالص )..وانصح الجميع بمساع الدرس ده
سبحان الله ملا تاخدى خطوة تقربك من ربنا بتلاقى الطاعة بتجيب طاعة سبحان الله
وفعلا لبست النقاب برضو واهلى والكل اتفاجىء..بقى معقول نقااااااااااااااب..الكل طبعا مش مصدق..لانى كنت فى لبسى حاجة تانية خالص والله (الحمد لله الذى هدانا لهذا وما كنا لنهتدى الا ان هدانا الله )..
وبعد كده لقيت نفسى عايزة حاجة تثبتنى على الطريق ده ولله الحمد ...
بقيت اسمع دروس ع الكمبيوتر اكتر..وكان نفسى فى صحبة صالحة عشان عارفة هى اكتر حاجة تثبتك ع الطريق..وقعدت ادعى ربنا يرزقنى الصحبة الصالحة لان للاسف كل صحباتى كانوا عادى مش ملتزمين..وكنت بحضر درس فى المسجد كل جمعة جنبنا للنساء بيعطوا درس ثم مقرأة للى عايز يحفظ قرآن
وسبحان الله انتظمت معاهم..وفعلا لقيت الصحبة الصالحة..وبقينا ناخد تليفونات بعض ونرن على بعض الفجر كل يوم..وسبحان الله ربنا والله بس لما يحس منك صدق النية بيرزقك باللى بتتمنيه طالما خير وهيقربك منه
ودايما كنت اقول واجدد النية انى بتقرب من ربنا خطوة بلبسى للنقاب..وربنا عز وجل قال ( من تقرب منى شبرا تقربت منه ذراعا ) ودايما اقول لاهلى خصوصا لانهم ماكانوش مقتنعين بانى انتقب دلوقتى وكانوا دايما يقولوا بعد ما تتزوجى..اقول لهم ::
انا لبست النقاب ده لمين؟؟؟ مش لله؟؟؟
طب والزواج ده رزق من عند مين؟؟؟
مش من عند الله؟؟؟
طيب هو اكيد ان شاء الله عندى امل وثقة فيه انه هيرزقنى بزوج كويس وافضل ما اتمنى كمان
والحمد لله كان عندى دايما يقين وثقة كبييييرة فى الله انه هينصرنى ويعوضنى خير فالرسول صلى الله عليه وسلم يقول ( من ترك شيئا لله عوضه الله خيرا منه) ودايما كنت اقول له يارب انا تركت كل مغريات الدنيا من لبس وزينة وتبرج ليك انت بس يارب..عشان انت ترضى
مش عايزة اكتر من رضا ربنا
لان لو ربنا رضى..هيرضى عنك كل الناس...سبحانه عز وجل قلوب الناس بيده يقلبها كيف يشاء
وقال رسول الله صلى الله عليه وسلم ( من أرضى الله فى سخط الناس رضى الله عنه وأرضى عنه الناس ومن أسخط الله فى رضا النا سخط الله عليه وأسخط عليه الناس )
وفعلا اختى انتقبت بعدى على طول رغم انها اول ما شافتنى بالنقاب قالت ايه ده؟؟؟؟؟؟ بعبع...يععععع ..سبحان الهادى
إذا اراد شيئا ان يقول له كن فيكون..وبعدها ماشاء الله تزوجت وهى الآن معاها بنوتتين عسلات ماشاء الله ربنا يخليهم لها
وكنت دايما ادعى ربنا يرزقنى الزوج الصالح اللى يعيننى على امر دينى ودنياى..وسبحان الله اتخطبت بعد النقاب بحوالى شهر لحد ملتزم بس ماحصلش نصيب الحمد لله..وبعدها بسنة اتخطبت لانسان ماشاء الله عليه فى الخلق والدين والسمت الطيب..والحمد لله انا دلوقتى حامل...وفعلا تذكرت ( من ترك شيئا لله عوضه الله خيرا منه )...وعايزاكوا تدعولى ربنا يتمم حملى على خير ويديم عليا انا وزوجى السعادة والحب...
ونفسى كل واحدة مترددة فى خطوة الاسدال او النقاب ماتأجلهاش لإن من اخطر اسلحة الشيطان هى التسويف ( سوف )...وماحدش يضمن عمره...وصدقينى كونى عندك ثقة ويقين فى الله انه هيرضيكى زى ما انتى رضيتيه واكتر مما تتمنى كمان والله بكتييييييييييير....
نفسك فى شغل ،، زواج ،، راحة بال ورضا وسعادة
كل ده مش هتلاقيه غير مع ربنا وبس والله بجد
بس انتى خدى الخطوة
ماتقوليش صعب عليا ،، مش دلوقتى ،، لما اتزوج
واكرر ::
سيبك من كلام الناس( شياطين الانس )،، ومن وساوس الشيطان اللى هتيجى فى دماغك ( انا شكلى وحش / كنت الاول حلوة بلبسى التانى / انا مش هعرف اتعامل مع الناس وفى الشغل والمواصلات هبقى لخمة اوى )
والله والله والله كل ده مش حقيقى..بالعكس انا الشغل لم يأتينى ولا عملت علاقات اكتر مع الناس غير بعد الملحفة والنقاب...
سبحان الله الناس بتحبك من حب الله ليكى
وكما قال رسول الله صلى الله عليه وسلم ( إن الله إذا أحب عبدا نادى جبريل انى احب فلانا فيحبه جبريل وينادى اهل السموات انى احب فلانا فيحبوه وينادى فى اهل الارض انى احب فلانا فيحبوه ويضع له القبول فى الارض حتى الجمادات والحيوانات ) سبحان الله..
انتى ماتسمعيش لحد خاااالص هيقلل من عزيمتك ويهبط منك
بالعكس اسمعى وصاحبى اللى هيرفعوا من عزيمتك ويشجعوكى ع الخطوة دى
وتوكلى على الله وكونى عندك ثقة ويقين فى الله انه هيكرمك ويرضيكى والله بجد
يقول الله عز وجل
( أنا عند ظن عبدى بى )
فانتى ظنى بربنا خير هتلاقيه والله وعن تجربة
ربنا ييسر لكم الخير حبيباتى ويبعد عنكم اصدقاء السوء ويحببكم فى الستر والحشمة اللهم آمين
ولا تنسوا الدعاء لى
موضوع: لم اتخيل ان هذا سوف يحدث لى !!!!! 
الخميس يناير 17, 2013 10:35 pm