الحقن المجهرى

انا حبيت اشاركم بتجربتى فى الحقن المجهرى مع ادق التفاصيل وخطوه خطوه لانى لما كنت بدور كنت ببقى متلغبطه وعاوزه اى حد اساله وعلشان كده حبيت افيد كل البنات بتجربتى ابتغاء مرضاه الله عز وجل ربنا يجعلها فى ميزان حسناتى اللهم امييييييييييييين واذا عجبكم الموضوع قيموه علشان الكل يستفاد بس وربنا يجعله فى ميزان حساناتنا ان شاء الله

المهم بقى هادخل فى الموضوع على طول بصوا هانقسم الموضوع اجزاء علشان مانتشتتش اوكى

اولا بسم الله

الحمد لله انا متزوجه من سنتين ولما موضوع الحمل اتاخر طبعا بعد سنه جوازر قبل كده ماكنتش بفكر خالص لازم تستنى السنه الاولى المهم بدانا نفكر فرحت انا وزوجى لدكتوره نسا سامحها الله عملت معى متابعه تبويض 3 شهور ورا بعض بدون اى تحاليل ليا ولا لزوجى خالص وانا طبعا كنت مش فاهمه اى حاجه المهم الحمد لله وربنا قدر وماحصلش حمل قامت افتكرت وطلبت تحليل الزوج المهم لما زوجى حلل طلع العدد عنده 12 مليون والتشوهات 70% والحركه 20% بيتحركوا وطبعا دى نسب قليله اووى علشان يحصل حمل المهم حمدنا ربنا اننا اكتشفنا الموضوع ده وبدانا رحله العلاج
الاول هاقول لكم المفروض النسب الطبيعيه للحمل العدد فوق ال 20 مليون والحركه فوق 60% والتشوهات اقل من 40% تمام

المهم رحنا لدكتور ذكوره وعقم منه لله بصراحه اعطى جوزى علاج عباره عن فيتامين E و برشام اسمه نولفادكس وبس كده وصبرنا 3 شهور وحلل لقينا العدد بقى 8 مليون تصورا ونفس نسبه التشوهات والحركه هى هى

المهم رحنا بعد كده لدكتور تانى استاذ جامعه اداله ابر كوريمون 5000 كل اسبوع واحده مع فيتامين E برده المهم جوزى زهق من الابر خصوصا ان مدتها 3 شهور واخدها شهر وبطل تصوروا المهم بعد طلوع روحى معاه رحنا حللنا وكانت الصدمه الكبرى التحليل مافيهوش ولا حيوان منوى واحد ولا واحد تصوروا

اوعى تخلى جوزك يبطل العلاج من نفسه اللهم بلغت اللهم فاشهد هاتحصل له انتكاسه زى ماحصل لجوزى بالضبط

المهم طبعا بيتنا ليالى مايحكمش بيها على اى حد يارب لحد ما سالت كتير على موضوع الحقن ده ولقيت ان اكتر حد الناس بتشكر فيه هو هشام صالح هنا عندنا فى اسكندريه المهم توكلنا على الله ورحنا له العياده طبعا حجزت بالتليفون قبلها بشهر وخت معاد وقبله باسبوع اكدت على المعاد ولما جه اليوم المحدد رحنا بالتحاليل كلها

المهم رحنا قعدنما فى العياده لحد مانادى علينا دخلنا وتوكلنا على الله مكتبه هو بشوش جدا بصراحه ولقينا جمبه دكتور مساعد اسمه محمد عباس ربنا يكرمه برده عسل المهم اتكلم معانا وشاف التحاليل كلها وكشف عليا وقال لزوجى ان حالتك دى مالهاش غير حقن مجهرى وانه كانت ممكن تنجح بالتلقيح لو استمر على الابر ومابطلهاش يلى الحمد لله على كل حال

بس قاله قدامك 3 شهور تمشى على العلاج ده زى الساعه وبعدها نحلل تانى ونتيجه التحليل هاتحكم اذا كان ياخدوا عينه من الخصيه ولا هاياخدوها عادى منه طبيعى وده متوقف على الانتظام فى العلاج طبعا جوزى سمع عينه من الخصيه اترعب وبقى ماشى على العلاج زى الالف

هو كتب له نوعين ابر واحده اسمها فوستيمون ودى 55 جنيه وبياخدها يوم من بعد يوم
والتانيه الكوريمون ودى ب 35 جنيه وبياخدها الجمعه من كل اسبوع

اما بخصوصى انا بقى الحمد لله كانت المشكله بسيطه شويه اضطرابات فى معاد الدوره ودى كتب لى على سيدوفاج 850 مرتين يوميا العلبه فيها ستين حبايه تكفى شهر ب 10 جنيه بسيطه الحمد لله

[ندعوك للتسجيل في المنتدى أو التعريف بنفسك لمعاينة هذا الرابط]

الحمد لله صبرنا ال3 شهور ودعينا ربنا وجه معاد تحليل زوجى وحلل والحمد لله كان العدد 6 مليون هو طبعا قليل بس المهم انه مش هايفتح خصيه الحمد لله :sFun_bananshula :

يومها رحنا للدكتور وشاف النتيجه وقعدنا مع الدكتور المساعد محمد عباس وقال لنا الاتى كده انتوا تقدروا تعملوا الحقن المجهرى وتتوكلوا على الله وبالنسبه للتكاليف هاتكون كالاتى

5500 علاجات وتنشيط ليا انا
5500 مصاريف المستشفى والعمليات
1500 جهاز تكبير وده علشان تنقيه عينه الزوج وقال برده انه نفس السعر لو فتح خصيه
1500 زرع اجنه فى اليوم الخامس ان شاء الله
1500 تجميد ان وجد اجنه ممكن نجمدها

قال لنا لما تجهزا وينفع تبدؤا تعالوا من تانى يوم البيريود بندا على طول ونتوكل على الله

وطبعا جوزى مستمر على علاجه هوهو وانا برده مستمره على السيدوفاج 850 مرتين يوميا

ولان المبلغ بالنسبه لينا كان كبير بس الحمد لله دبرناه بفضل ربنا وفعلا الدوره جت يوم 21/12/2011 ورحت المركز يوم 23/12/2011 وهاسيبكم دلوقتى بقى وبكره ان شاء الله نكمل مشوارى مع الحقن المجهرى

امانه تدعولى ربنا يجعله سبب فى حملى ورزقى الذريه الصالحه يارب انه عليك هين ياالله يارحمن يارحيم

ربى لا تذرنى فردا وانت خير الوارثين
وياريت اللى تدخل ترفع الموضوع بدعوه حلوه كده علشان الكل يستفاد واللى منكم عاوزه تسال انا تحت امرها

موضوع: للحديث بقيه الخميس فبراير 09, 2012 10:26 am

شرح مفسر لبروتوكولات الحقن المجهرى للامانه منقووووووووووووووووول
اخواتى الحبيبات ... حبيت اكلمكم عن الموضوع ده لأنه هام جدا لكل واحدة رايحة تعمل حقن مجهرى وعايزة تتأكد ان الدكتور بتاعها فاهم وعنده ضمير وبيشتغل صح

بالنسبة لبروتوكولات الحقن المجهرى

البروتوكول الطويل ويناسب الخصوبة العالية والمتوسطة

1- يتم البدء بحبوب منع الحمل جينيرا من تانى يوم الدورة ( الخطوة دى دكاترة كتير بتكنسلها )
2- بدءا من اليوم العشرين يتم أخذ ابر تحت الجلد مرة واحدة يوميا والجرعة على حسب الحالة ووصف الطبيب ممكن 100 وحدة او 50 او 25 طبعا الجرعة تكون اكبر ما يمكن 100 وحدة اذا كانت الخصوبة عالية عند السيدة واقل ما يمكن 25 وحدة اذا كانت خصوبة قليلة وجرعة متوسطة 50 وحدة اذا كانت خصوبة متوسطة ( اسماء الابر التحضيرية : ديكابتيل – لوكارين – سوبرفاكت )
3- تستمر الابر التحضيرية حتى نزول الدورة بنفس الجرعة المحددة سالفا
4- يتم عمل تحليل E2 وسونار فى اليوم التانى للدورة
فى حالة التحليل اقل من 50 والسونار يوضح عدم وجود اكياس على المبيض ورحم مناسب
يتم البدء فى ابر التنشيط مع تقليل جرعة الابر التحضيرية الى النصف او اقل بقليل
بمعنى لو كنتى بتاخدى 100 وحدة تصبح 40 وحدة اثناء التنشيط

ابر التنشيط :مريونال – فوستيمون – بيوريجون – جونال اف – مونيجون
وكل طبيب يفضل نوع او اتنين من الابر دى اللى فى الغالب تحتوى على هرمون الاف اس اتش فقط
او الاف اس اتش ومعه هرمون الال اتش

مريضة التكيس يفضل الا تستخدم ابر تحتوى على هرمون الال اتش وذلك لارتفاع الهرمون ده عندها بشكل طبيعى
5- يفضل ان توخذ ابر التنشيط مرتين يوميا لأن مفعولها يستمر 17 ساعة وذلك حتى لا ينقطع الجسم فترة عن التنشيط
6- بعد 3 الى 5 ايام من بدء التنشيط يتم عمل تحليل E2 وسونار يذاد تحليل هرمون الال اتش فى حالة المريضة المتكيسة
7- يذيد الطبيب من جرعة المنشط ويقلل من جرعة الابر التحضيرية فى حالة الاستجابة القليلة للتنشيط
8- يتم المتابعة بالسونار والتحاليل كل يومين حتى تصل البويضات الى حجم 17 مل فأكثر ويتجاوز تحليل الe2 800 or 1000 يتم اعطاء المريضة 2حقنة تفجيرية كوريمون ويتحدد وقت السحب
9- تحليل ال E2 ..... كل بويضة ناضجة = حوالى 200 وحدة من الهرمون
10- يتحدد يوم ارجاع الاجنة على حسب عدد وجودة الاجنة
الارجاع اليوم الخامس 5 اجنة فأكثر درجة اولى
الارجاع اليوم الثالث 3 اجنة درجة اولى فأكثر
فى حالة الاجنة الدرجة الاولى 2 فأقل يتم الارجاع اليوم الثانى

تؤخذ المثبتات من يوم سحب البويضات .. لبوس سيكلو جيست مرتين يوميا + ابرة يوميا بروجيست + حبتين مرتين يوميا الحبوب البيضاء من حبوب سيكلونوفا

البروتوكول القصير

يتم التنشيط مباشرة بدون ابر تحضيرية بدءا من اليوم الثانى وهذا البروتوكول يطبق على المريضات منخفضة الخصوبة

بروتوكول التنشيط بالكلوميد

يطبق فى حالة ارتفاع هرمون الاف اس اتش اكثر من 20 وفيه ينشط الجسم بالكلوميد بدءا من اليوم الثانى ولا يتوقف بعد 5 ايام لكن حتى وصول البويضة للحجم المناسب
عيب البروتوكول هو احتمال ان تتأثر بطانة الرحم وتصبح اقل من 8 وفى هذه الحالة تجمد الاجنة وتنقل فى دورة لاحقة حتى تتهيأ البطانه للسمك المطلوب