حدوته حلووووووه

موضوع: حدوته حلووووووه الأحد يناير 29, 2012 7:49 pm

النهارده جيبالكم حدوته حلووووووه نسمع ونكتب الصلاه على افضل خلق الله سيدنا محمد"صلى الله عليه وسلم"
كان فيه صياد عجوز كل يوم ينزل البحر بالمركب بتاعه ويفضل يجدف ويجدف لغايه ما يوصل لنص البحر
ويقعد بالساعات رامى شبكته فى الميه
وساعات يطلعها يلاقى نفسه صايد سمك كتير
واحيان تانيه يطلع الشبكه يلاقيها فاضيه ومفيهاش حتى ولو سمكه واحده

فى اليوم اللى ربنا يبرزقه فيه بالسمك بيروح سوق القريه ويبيعه هناك
وياخد الفلوس يشترى بيها اكل لولاده الخمسه
بس عمو الصياد كبر ومبقاش حمل البحر
قرر ينادى اولاده الكبار مازن و مؤمن
واجتمع بيهم وقالهم : دلوقتى يا اولادى لازم تساعدونى فى الصيد لانى بقيت كبير ومبستحملش موج البحر ولا برد البحر
احنا مستعدين يا بابا لاى حاجه تطلبها مننا
محتاج تنزلوا البحر بدالى كل يوم علشان خاطر اخواتكم الصغيرين
من عنيننا يا بابا من بكرة هننزل البحرلالالالالالالالالالالالالا استنوا بس لازم تسمعوا كلامى كويس وتاخدوا نصايحى تعملوا بيها
انصحنا يا بابا
بص يا مازن ويا مؤمن
لازم نسعى للرزق من الصبح بدري يعنى اول حاجه تعملوها صلاه الفجر وبعدها على طول تفطروا وتنزلوا ع البحر
ودى اول نصيحه ليكم
وتانى نصيحه يا بابا
انكم تتوكلوا ع الله ومتنسوش تاخدوا معاكم اكل كتير عشان الواحد ساعات بيقعد فى البحر ساعات كتير لغايه ما الرزق ييجى
تمام يا بابا والنصيحه التالته ايه؟؟؟
النصيحة التالته قبل ما تنزلوا البحر لازم تشوفوا حاله الجو
البشاير بتبان من الصبح بدري
يعنى لو لقيتوا الجو عاصف والريح شديده يبقى اياكم تنزلوا البحر وكده تحافظوا ع مركبكم
وكده او كده لما الجو بيكون عاصف يستحيل هتعرفوا تصطادوا لان السمك بيستخبى

فهمتوا ولا اعيد تانى
فهمنا يا بابا

يا ولاد شغلانتنا دى محتاجه صبر لازم تصبرووا عشان تنولوا
انت يا مازن تاخد المركب الكبير لانك انت الكبير وانت يا مؤمن تاخد المركب الصغير

واول اختبار ليكم ع المراكب من بكرة
اتفقنا؟؟؟

اتفقنا يا بابا

تانى يوم مؤمن صحى الفجر راح بسرعه يتوضا ويصلي وفطر كويس اوى واخد اكل معاه
بس قبل ما ينزل راح يصحى اخوه وفضل يقوله يللا يا مازن بابا معتمد علينا لازم منخذلوش
ومازن يقوله يووووووووووووووووووووه بقى يا مؤمن امشي انت بس وانا هصحى بعد شويه
شي مؤمن وفضل يقول :توكلت عليك يا رب
يا رب ارزقنى يا رب
يا رب وفقنى
يا رب خلى بابا يفرح منى انهارده لان رضاه على بالدنيا واللى فيها
حدوته حلووووووه Grow_jnt3i1

وراح اخد المركب الصغير واتاكد ان الجو حلو
راح جدف لغايه نص البحر
ورمى شبكته وهو بيقول بسم الله
افتكر كلام باباه عن الصبر فضل قاعد
لغايه ما حس ان الجوع بدا يقرصه راح ياكل الاكل ومعاه كوبايه شاي معتبره
وراح قعد قصاد الشبكه وجه يشيل الشبكه لقاها مليانه بخيرات كتير اوى
ياااااااااااااااااااااه كل ده سمك اللهم لك الحمد الشبكه بسرعه واخد بعضه ورجع الشط
في الوقت ده مازن كان لسه بيفوق من النوم
يا خبر ايه ده احنا الضهر دلوقتى لالالالا مش ممكن ده كده مؤمن هو اللى هيصطاد اكتر منى
بسرعه لبس هدومه وجرى ع المركب الكبير
بس الجو وحش اوى والهوا جامد
ولا هيهمنى هنزل البحر برضه
ركب المركب وجدف لنص البحر ورمى شبكته وكل دقيقتين يبص فى الشبكه
يووووووووووووووه ايه الشغلانه دى ولا سمكه راضيه تعبرنى
والجوع بدا يقرصه والمركب بدات تتمايل جامد
وهو مش عارف يتصرف
اعمل ايه يا ربي
وافتكر نصايح باباه وافتكر انه نزل من غير ما يصلي وانه ضيع صلاه الفجر وانه متوكلش ع ربنا
افتكر كل حاجه وفضل يدعى ربنا ينجيه
وفضل يقول والله هبقى اسمع كلام بابا بعد كده ونصايحه وهصلي بانتظام بس نجينى يا رب
والمركب بتتمرجح جامد لغايه ما هديت العاصفه شويه
وعرف يرجع للشط

فى الوقت ده مؤمن كان باع السمك كله فى القريه ورجع لباباه واداه كل الفلوس اللى اخدها
باباه قاله لا يا بنى دول رزقك واجتهادك خدهم انت
مؤمن قاله لا يابابا انت اللى بتصرف ع البيت لازم يكونوا معاك انت
قاله خلاص انا هاخد جزء يمشي البيت وانت خد الباقى حوشه معاك
خلاص يا بابا اتفقنا
دخل عليهم مازن وهو مكسوف من نفسه اوى وحكالهم اللى حصل معاه واعتذر من باباه جامد
واعتذر من اخوه وقالهم انا اتعلمت من غلطى ومش هكرر اللى عملته تانى
طبطب عليه باباه واخوه وقالوله ولا يهمك كلنا بنتعلم من اخطاءنا
وبكرة ميعادنا مع صيد السمك فى الفجريه

وتوته توته خلصت الحدوته حلوة ولا ملتوته

حدوته حلووووووه Fishing-boat-cartoon-thumb9802892

حدوته حلووووووه Fishing-boat-cartoon-thumb9802892

منقووووووووووول للامانه